14/11/2011
A TURRI
La mano ignobile dell'uomo e la sua ignoranza; la pochezza dell'essere e la sua intolleranza; la banalità del vivere di alcuni e l'indifferenza di molti, hanno portato ad un risveglio insolito per il borgo marinaro di Briatico. Quella dolce, bella, solitaria e secolare torre saracena, è stata assassinata da colori e pennelli che indegnamente l'hanno arresa. Mai nei secoli tale affronto alla storia era avvenuto nella mia Briatico. Oggi incomincia davvero una nuova era! Assassini....
A chija marina mancu lu fajettu
ebbi potiri cuntra a stu delittu.
Vinniru di notti a luna chjna
Mu scrivinu la chjù randi ruvina.
L’arrivotaru comu l’assassini
Senza mu ‘nci cuntanu li peni
Ca sulu a turri nd’avenu dassatu
Mu cunta e mu stracunta du passatu.
Avemu pe cumportu alla marina
Na turri chi stavìa pedi alla rina
Era chjù bella di tricentu suli
Spandìa tisoru e ‘ndi cuntava sali.
Ogni varca di lignu chi passava
Vidìa la bella turri e a salutava
Cuntava tutti i petri chi ‘nd’avìa,
Lu tempu, chi a marina la potìa.
Di stu paisi mio chi vaci a mari
E mu si teni non c’è gutumari,
‘Nci sbenturaru puru sta bellizza,
Genti di malucuntu e malarrazza.
Malitempi e terramoti, nuju a potti
Seculi e seculorum e mancu catti,
fu n’assassinu sulu chi a potìu
e la bellizza soi ‘nci rivotau.
Ma nommu avissi mu rumba lu mari
Di pedi ma ncumincia a scotulari
Mu s’aza la hjumara u faci trona
Mu si ‘ndemonia a terra e pemmu u trema.
O assassini brutti adduvi siti?
Senza rigettu comu vi curcati?
Avemu sulu a turri pe riparu
e mo na mazzara, tenimu pe cojaru…
Finiru i libbra e puru li paroli
li canti e li stornelli popolari.
Puru la turri pottaru toccari:
"li porci hannu la zimba pe scorciari."
Giusy Staropoli Calafati
15:42 Scritto da giusystar99 in le mie poesie | Link permanente | Commenti (1) | Segnala | OKNOtizie | 
Facebook