Oltre l'infinito........

Scurau lu cielu ‘cca’ ‘mmenzu la via

Pregandu u Cristu in cruci e cusi’ sia.

Subba stu lignu i cruci anzemi a tia

Gesu’ , non ta scordari, a terra mia.

Briganti non e’ chillu chi  l’ammazza

E i  nui dici ca simu a  malarrazza.

Nu poveru garzuni ammenzu a via

Prega la  stessa cruci e a terra mia

“distruggi stu penzuru o Gesu’ mio

Ca io ‘cca’ su chi pregu, pregu pe’ tia.

 Po’  mali chi la ‘mpurri e poi la scaccia

U cori soi ‘nci mori e nesci paccia.

Gesu’ ti pregu , prega a terra mia

Ca io pe’ tia’ mo’ pregu ammenzu a via.

“Oi Cristu ‘ncruci , oi cruci i Cristu

Fammi sta grazia, fammila prestu

E tu oi Madonna non la lassari

A terra mia ‘nna’ di moriri.”

‘Nna’ di moriri stu meridioni

Di bona genti e no’ ladroni.

‘Nna’ di dormiri a genti o suli

Suli i stu sud meridionali.

Bestemmia nu bon’onomu ammenzu a chjazza

Quandu ‘nci dinnu “si na malarrazza”

E l’acqua a la funtana scurri e ‘mpazza

Ca nui no’ simu genti i malarrazza.

Perdunala  Gesu’ sta terra mia

Si ‘nta la ‘rraggia si scordau di tia.

Distruggilu stu mali chi la spezza

E sutta o suli e a luna la strapazza.

Gesu’ non ta scordari a terra mia

Non ta scordari no, fallu pe’ mia.

Dincillu a chilla genti chi l’ammazza

Ca nui no simu no , na malarrazza.

“Oi Cristu ‘ncruci , oi cruci i Cristu

Fammi sta grazia, fammila prestu

E tu oi Madonna non la lassari

A terra mia ‘nna’ di moriri.”

‘Nna’ di moriri stu meridioni

Di bona genti e no’ ladroni.

‘Nna’ di dormiri a genti o  suli

Suli i stu sud meridionali.

No, no, no, non po’ dormiri no

No, no, no, non po’ moriri no’

Pe’ carita’ fallu pe’ mia

Gesu’, non ta scordari a terra mia.

 Giusy Staropoli